اقرأ في هذا العدد
 
 




سوالف
  مني عارف ياكحطاني
24/11/2015 - 12:09
 عام 1992 وبعد مانسونا سنة ونص بمنتجع الربع الخالي، وبليلة من الليالي  قرر الشباب يسوون اضراب عن الطعام، الصبح اجه الهندي ابو التموين، نزل من السيارة وصاح عالحرس: 
افتح باب رفيك، أكل أكل ويأشر باصابعه المضمومة على حلكَه، الحرس نص غافي ويلعب بلحيته بظاهر اصابعه، هيج حركة مثل الدفع من الحنج للخارج ويطلع صوت مااعرف شلون اكتبه بس بيه لام وصاد وطاء ومطكَة، الشباب صاحوا روح رفيك روح مسوين اضراب منريد أكل وبعد لاتتعب روحك وتجي، أجه الحرس الثاني سأل الأول ابو المطكَة: 
ويش هُو الاضراب يا اِسْعيد؟ 
... تفاصيل
 
 
  يكدرلها لوما مايكدرلها
05/10/2015 - 10:39
 اليعبر الخمسين ذاكرته تصير منخل، هزة هزتين كلشي يوكَع حتى أحداث البارحة، بس مرات تبقى نخالة السنين, ومن سنين بعيدة كلش. ... تفاصيل
 
 
  محافظ البهو
16/09/2015 - 10:42
كاظم عريبي (الله يرحمه)، من صنّاع النكتة - الموقف، وعنده سرعة بديهة لاصايرة ولادايرة، واغلب النكات العراقية بالثمانينات ومابعدها اللي تداولتهن الناس مالات كاظم، مرة ومن جان محافظ ذي قار سعدي عيّاش عريم، وسعدي هذا بعثي شرس، بس من يسكر يصحى، يصحى من بعثيته (شوية)، فد يوم وبمساء صيفي لاهب، كاظم كَاعد من العصر بنادي الموظفين, وبطبّة المحافظ وشلته، كَعدوا وكاظم رفع ايده يحيي بيها المحافظ والمحافظ غلّس، اول بيك للمحافظ هم رفع ايده والمحافظ نفس التغليسة، ثاني بيك هم غلّس وسوه روحه يسولف ويضحك ويه نداماه، بالثالث كاظم رفع ايده صاحه المحافظ تعال كاظم ثبرتني شعندك
... تفاصيل
 
 
  أبو صابر
25/08/2015 - 01:32
بأيام انتفاضة 9119، جان مجموعة من الشباب يقاتلون بمنطقة الاسكان الصناعي، والحرس الجمهوري احتل العمارات السكنية الي تبعد 1 كم غربا, شرق الشباب اكو بساتين تبعد حوالي 200 متر(الي من الناصرية أو رايحلها يعرف المنطقة), وكَعت قذيفة هاون قريبة عالشباب وانجرح واحد منهم، ضمدوه بيشماغ، هذا الضماد الوحيد المتوفر ... تفاصيل
 
 
  شيسموهم
29/07/2015 - 12:59
  مرة من المرات كنت مسافرا بالطائرة من ديترويت لسان دييكَو, كَعدت بمجاني وطلعت التلفون وخابرت عالاولاد اطمنهم انو الطيارة بوقتها وراح اوصل هناك بعد خمس ساعات بحيل الله والبوينكَ واذا (يضخّلها) نوصل بخمس ساعات الا ربع, طفيت التلفون وشديت الحزام، التفتلي اللي كَاعد يمي وكَالي: جثير الهلااا !! باوعتله كَتله وبالمهلّي, منين تعلمتها هاي ... تفاصيل
 
 
  سلملنا عالريس
09/07/2015 - 09:16
 هاي من جان الفرات بعد براسه حُركَة ويحمق، ويهدر بخنياب يزيح الأكو والماكو، بالـ 1986 جانت زعلته الأخيرة، إكتسح قرى وبساتين ومزارع بالجنوب, ومن ضمنها منطقة بجنوب شرق سوق الشيوخ، فاضت كلها وصعد الزود لنص بيوت الطين، شال الصرايف بدربه  ... تفاصيل
 
 
  التنكة
30/06/2015 - 09:03
 ابو خضير، جارنا بالريف، خلّص شبابه وقريب من نص عمره، فلاح عند السراكيل، يزرع ويتعب وياخذ الثلث، يالله يكفيه هو وأم خضير وفروخ عايشين بصريفتين كَصب ونص مضيف، لمن وصل حد طكَت روحه وقرر يروح يشتغل بالكويت، مثل الآف العراقيين  ... تفاصيل
 
 
  طين حِرّي
16/06/2015 - 11:32
 الرافدَينيّون، ولأنهم أبناء الأنهر والبساتين، لهم مع الطين حكايا منذ بدء الخليقة، الغِريَن المحتضن عضود الشلب وجذور النخيل، تحتضنه رؤوسهم التي "تجدح" بأفكار التماهي معه، أو كقرين وعشق باعتباره مادة تكوينهم الأولى، أو لتطويعه بيوتاً وأثاثاً وتماثيل وقراطيسَ التدوين الأول الذي تتذكره البشرية حين وقفة إنصاف.
 
... تفاصيل
 
 
  مفوض جبار
02/06/2015 - 10:55
 آنه والحلاقين مو صحبة, مزاعلهم من 13 سنة، ماعندي شي الهم، حتى مرة جدتي سألتني: جدة انت تزيّن بملقط، شو دوم ماكو بركة براسك؟
 
... تفاصيل
 
 
  تاريخ ميلادي
17/05/2015 - 11:01
 
اسولفلكم اليوم شلون عرفت تاريخ ميلادي: 
هاي يمعزوزين سنة 72 جنت بصف الثاني باء بمدرسة المنصور  (منصور الاهوار مو منصور بغداد) المدير صاحني كَال ولك الأُميلح صح انت شاطر وابوك من معارفنا بس مو معناها اخليك سنتين بالمدرسة وانت بلاية جنسية.. روح كَل لابوك خلي يطلعلك وحدة (جنسية). 
... تفاصيل
 
 
  علَم دولة المَحنّة
29/04/2015 - 08:51
 

عباءة لامراة، لاأعرف عنها شيئا، لكنها لم تفارق ذاكرتي يوما طوال 24 سنة مضت.
أواخر آذار 1991، وبعد فشل الانتفاضة، هربنا جنوبا حيث صحراء (تل اللحم) المكان الآمن الوحيد، بعدما صارت المدينة وضواحيها تحت مرمى الهاونات. لم ننم لأيّام، ولم نذق ليومين سوى بضع تمرات
... تفاصيل